"سيف حدّو حد روحو... ذبانة ما يقتلهاش... ما يحبش العرك... خمسة سنين لتالي ولى مصلي وملتزم... ساعات يعمل لحية، ساعات ينحيها... ساعات يلبس قميص... ساعات لا. خذا الباك على مرتين، فرحنالو... مشى للجامعة... مازال ماخذاش شهادتو آما يقرى على روحو... عمري ماكنت نتصور... عمري... توة أكثر من ستة شهور ولى يغيب برشة... يسكر التليفون ويقعد بالثلاثة أربعة يام ما يحكيش معانا... مستانس يكلمني كل يوم... في الشتا قال باش يبطل القراية... قعد شهر ماعندناش عليه خبر...(الاكيد وقتها مشى يدرب على السلاح) من بعد رجع يقرا نرمال... الحقيقة دخلني الشك مرة وحدة... كي صار ما صار في متحف باردو ...قاللي!!! يستاهلو... قتلو علاش قاللي كفار... وقفت غادي... مازدناش حكينا... ياليتني تصرفت، عملت حاجة... كي رجعلونا الجثة باش ندفنوها... الناس ما خلوناش ندخلو الجبانة... ڨعدنا سوايع مطيشين في الشمس .. وفي اللخر دفناه البرة مالجبانة، وما قرى عليه حد... ولدي وفى حياتو مجرم ومات كالكافر!!! اليوم ماعنديش وجه نقابل بيه العباد... نستنى فالنهار اللي نموت فيه... نحب نموت اليوم قبل غدوة... خاللي ربي يحاسبني كيفاش خليت ولدي يوصل للي وصللو... حتى الصلاة ماعادش ننجم نصلي... نحشم من روحي... نحب نموت..." <<< نصيحة .. ولدك ينجم يكون ارهابي .. بلّغ عليه قبل مايفوت الفوت"
ليست هناك تعليقات:
إرسال تعليق